أحلى ......زموقف

--------------------------------------------------------------------------------

السلام عليكم ..
كيفكم يا حلوين ..بصراحه انا حبيت ان كل واحد يكتب موقف ظريف صار له ..
وبما انه اني انا اللي جبت الفكره ..
فانا معذور <<< نذاله ..
عشان خاطر عيونكم انا اللي ببدأ بس ابغى شوية حماس وتفاعل .. ممكن ..

بصراحه ..في يوم من الايام السعيده المليئه بالفرح كنت رايح للبقاله وبما اني كنت متعلم السواقه فحبيت اني اروح بالسياره .. علما بان البقاله قريبه وكنت بالعاده اروح لها مشي بس تعرفون لازم اعلم عيال حارتنا اني اعرف اسوق سياره المهم اني رحت البقاله بالسياره .. يعني بعد ما سرقت المفتاح من جيب ابوي ..
المهم اني اشتريت اغراضي ورجعت البيت مشي .. نسيت اني اخذت السياره .. واول ما وصلت البيت نمت .. وفي عز نومي ما اشوف الا ذيك الرفسه اللي ما ادري من وين جت واقوم والا اشوف ابوي يقولي وين السياره قلت ما ادري عنها يمكن تحت ..(مسوي ذكي) .. وما اشوف الا ذاك الكف اللي خلاني اشوف ابوي اثنين .. وقال لي: لوالسياره تحت كان ما جيت سألتك ..
المهم اني قاعد اتذكر وين السياره ..
وتذكرت اني رحت فيها البقاله .. وقلت لابوي دقيقه بروح اشوف السياره المهم اني رحت جبت السياره واعطيت المفتاح ابوي وبعد ما سلمت لابوي المفتاح استلمني ترفيس وتلطيش قدام اخواني الحلوين .. يعني صرت قدامهم مثل للرفس والتلطيش .. المهم اني حاولت انام بعد المصارعه اللي مع ابويه وبعد جهد جهيد نمت بسلام ..
وانتهى اليوم السعيد الحافل الفرح على خير ..
ايش رايك في الموقف الحلو حقي ..
الله لا يحطكم في مثل هذا الموقف قولوا آمين ..

.. وتقبلو تحياتي..