بنات العلمي والأدبي

--------------------------------------------------------------------------------

احتاروا البنات إيش يدخلوا علمي ولا أدبي

وكل وحده دخلت القسم اللي تبيه ,, اللي مع صديقاتها واللي تبي تفتك من الرياضيات والفيزياء واللي تبي تفتك من التاريخ والجغرافيا والي تبي ,, واللي تبي

وفي آخر السنة وقت الإختبارات قامت وحده من بنات العلمي كتبت هذه القصيده :

حسبي الله على من تسلط على المسلمين
ضعنا ونبي رأيكم بالسامعين
سهرنا الليل ورحنا نقول دارسين
وفي قلوبنا الأسئلة حافظين
حفظنا الذهب والفضة وجانا الخاصين
والفراغات مليناها كلها تخمين
ورحنا للسؤال الثاني على بالنا فاهمين
معادلات مع الأوزان عز الله ضليعين
ما عرفنا من الرموز الا الماء والاكسجين
ولا السؤال الثالث يا من يعين
مسالة مانعرف لها راس من رجلين
اكتبي الصيغة الوزنية وحنا مو عارفين
والقوانين والله يستر على القوانين
تكسرت الالة من الطقطقة مابقى الا زرين
والمصيبة مشرفتنا تصرخ يا نايمين
من زود الوناسة شايفتنا قاعدين
سلمنا الاوراق مافيها صح الا اثنين
الاسم ورقم الفصل وعلى الباقي مشطبين
ياناس انصفونا من الظالمين
والا ترانا اخر السنه من الراسبين
واخرتها سلامتكم يالربع والسالمين
واذا ما اشتكينا لكم نشتكي لمين


شافوها بنات الادبي فتبرعت وحده منهم وردت :

من قال لكم تدخلون علمي يالمجانين
هذي هي سوات ايديكم يالفالحين
اسهروا ليلكم مع نهاركم ياالشاطرين
وحنا بنشخر مع النايمين
وحفظ الادب والمكتبة أسهل ياحلوين
على طول بنجاوب دامنا حافظين
قلنا لكم نيوتن وفيثاغورس ميتين
وجعلكم ما تصيرون بانفسكم فالحين
واخرتها الله يسلمكم بالسامعين
وان شاء الله نشوفكم مع الراسبين


تنرفزوا بنات العلمي وقالوا :

دايم عند الاداره ياخبل متهاوشين
تحطون راسكم براس العلمي يالمساكين
ترى لكم الكرف والبيت وغسل المواعين
اتركو عنكم الحقد مركزنا منتوب واصـلين
حنا لنا العلم والمستقبل يالمساكين
واخرها الله لايسلمكم من البلاء يالمساكين
واخر السنه ان شاء الله تكونوا من الناجحين